நம்முடைய பார்வை: எதிர்காலத்திற்கு தயாரான,

நியாயமான மற்றும் அச்சமற்ற சிங்கப்பூர்.

 தேசிய ஒற்றுமை கட்சி உலகளவில் போட்டித்தன்மை கொண்டதாக மட்டுமல்லாமல், இரக்கம் கொண்டதாகவும், குடிமைப் பொறுப்பு கொண்டதாகவும், பல தலைமுறைகளுக்கும் உறுதியானதாகவும் இருக்கும் ஒரு சிங்கப்பூரை காண விரும்புகிறது. 

நமது அரசியல் வெறும் செயல்திறன் அல்லது வார்த்தைகளுக்கு அப்பாற்பட்டதாக இருக்க வேண்டும் என்று நாங்கள் நம்புகிறோம்.அது மக்களை அதிகாரப்படுத்த வேண்டும், புதிய தலைமைத்துவத்தை வளர்க்க வேண்டும், மற்றும் அதிகாரத்தை மிக உயர்ந்த ஜனநாயக தரத்திற்கு பொறுப்பாக்க வேண்டும்.

மற்றவர்கள் நிர்வகிக்கப்பட்ட மாற்றத்தை வழங்கும் போது, நாங்கள் கொள்கை அடிப்படையிலான மாற்றத்தை வழங்குகிறோம். மற்றவர்கள் கடந்த காலத்தை எதிரொலிக்கும் போது, நாங்கள் எதிர்காலத்திற்காக கட்டமைக்கிறோம்.

உங்கள்எதிர்காலம், எங்கள்முன்னுரிமை!

பாராளுமன்றத்தில் தேசிய ஒற்றுமை கட்சியின் பங்கு: மக்களின் தணிக்கை 

அடுத்த ஐந்து ஆண்டுகளுக்கு, தேசிய ஒற்றுமை கட்சி நாடாளுமன்றத்தில் சிங்கப்பூரின் சுதந்திரமான மனசாட்சியாக இருக்க உறுதிபூண்டுள்ளது. அரசாங்கக் கொள்கைகள், செலவினங்கள் மற்றும் திசையின் அச்சமற்ற தணிக்கையாளர்.                      நாங்கள்:

•பொது நிதி நியாயமாகவும், நீண்ட கால தாக்கத்துடனும் செலவிடப்படுவதை உறுதி செய்ய மக்கள் செயல் கட்சி கொள்கைகளை தணிக்கை செய்தல்.

•வாழ்க்கை அனுபவங்களால் வழிநடத்தப்படும் அடிமட்ட முன்மொழிவுகளுடன் மேலிருந்து கீழ் ஆட்சிமுறையை சவால் செய்தல்.

•குறிப்பாக பாதிக்கப்படக்கூடிய சமூகங்கள் விடப்படும் இடங்களில் நிறுவனங்களை பொறுப்புக்கு உட்படுத்துதல்.

அடுத்ததேர்தலுக்காகஅல்ல, அடுத்ததலைமுறைக்காகசட்டமியற்றுதல்.

இளைஞர் மற்றும் எதிர்கால
தலைமைத்துவ மேம்பாடு

நம் இளைஞர்களே நமது எதிர்காலம். 

தேசியஒற்றுமைக்கட்சிசெய்யும் செயல்கள்

• இளம் சிங்கப்பூரர்களை கொள்கைகளை வடிவமைக்க, சமூகங்களை உருவாக்க, மற்றும் நிலைமையை ஆக்கபூர்வமாக சவால் செய்ய அதிகாரம் அளிக்க அடுத்த தலைமுறை சிங்கப்பூர் என்னும் இளைஞர் தலைமைப் பணியகத்தை நிறுவுவோம். 

  •தேசிய ஆலோசனை குழுக்களில் கட்டாய இளைஞர் பிரதிநிதித்துவத்தை அறிமுகப்படுத்துவோம்.

  •தொழில்நுட்ப தொடக்க நிறுவனங்களுக்கு அப்பாற்பட்டு, கலைகள், பசுமை பொருளாதாரம், சமூக தொழில்முனைவு, மற்றும் பிராந்திய அணுகல் ஆகியவற்றை உள்ளடக்கிய இளைஞர் தொழில்முனைவு மற்றும் புதுமை நிதியளிப்பை ஆதரித்தல்.

  •சிங்கப்பூர் இளைஞர் பேரவை - இளைஞர்கள் கொள்கை யோசனைகளை முன்வைத்து வாக்களிக்கக்கூடிய, நாடாளுமன்ற பதிலளிப்புடன் கூடிய ஒரு தேசிய பங்கேற்பு தளம்.

அனைவருக்கும் கண்ணிய பொருளாதார பாதுகாப்பு

மக்களுக்கான பொருளாதாரம் — வெறும் லாபங்களுக்காக அல்ல 

சாதாரண சிங்கப்பூரர்களை பின்தங்க வைக்கும் கீழ்நோக்கி வரும் மாதிரியை நாங்கள் நிராகரிக்கிறோம். இதற்கு பதிலாக, நாங்கள் ஒரு மக்கள்-மைய பொருளாதாரத்தை ஆதரிக்கிறோம், அது:

உள்நாட்டு சிறு மற்றும் நடுத்தர நிறுவனங்களுக்கான முதல் கொள்கையை செயல்படுத்துவதன் மூலம், அரசு ஆதரவை அரசு சார்பு நிறுவனங்கள் ஆதிக்கம் செலுத்தும் சூழலமைப்பிலிருந்து அதிக திறன் கொண்ட, உள்ளூரில் உரிமையாக்கப்பட்ட சிறு மற்றும் நடுத்தர நிறுவனங்களுக்கு திருப்பி விடுவதன் மூலம் பொருளாதார பின்னடைவை ஊக்குவித்தல்.

•

•அரசு ஆதரவுடன் ஆரம்ப கட்டத்திலிருந்தே உள்ளூரில் உரிமையாக்கப்பட்ட சிறு மற்றும் நடுத்தர நிறுவனங்கள் வெளிநாடுகளில் வளர பிராந்திய வணிக மற்றும் தொழில் வலையமைப்பை உருவாக்குதல்.

•வேலைவாய்ப்பு மற்றும் தொழில் முனைவோர் மையங்களை பரவலாக்குவதற்கும், பொருளாதார வளர்ச்சியை பரவலாக்குவதற்கும், பயணத்தையும் வருமான ஏற்றத்தாழ்வையும் குறைப்பதற்கும் "அயலக வளமை மண்டலங்களை" தொடங்குதல்.

•

•அத்தியாவசிய தேவைகளுக்காக மத்திய சேமிப்பு நிதியிலிருந்து பணம் எடுப்பதில் மூத்த குடிமக்களுக்கு அதிக சுயாட்சியை வழங்கும் வகையில் விருப்ப ஓய்வூதிய அணுகல் திட்டத்தை அறிமுகப்படுத்த சேமிப்பு நிதி முறையை சீர்திருத்துதல்.

•

•உண்மையான ஓய்வூதிய தேவைகளை பூர்த்தி செய்வதற்காக மத்திய சேமிப்பு நிதி செலுத்தும் முறைகளை மதிப்பாய்வு செய்தல்.

•தேர்ந்தெடுக்கப்பட்ட துறைகளுக்கு மட்டும் படிப்படியான ஊதிய மாதிரிகள் அல்ல, குறைந்தபட்ச வாழ்க்கை ஊதிய கட்டமைப்பை உருவாக்குதல்.

•தொழிலாளர்களுக்கு அதிக பாதுகாப்பை உறுதி செய்வதற்கும், நியாயமான பணிநீக்க கட்டமைப்புகளை உறுதி செய்வதற்கும், முக்கிய துறைகளில் வாழ்க்கை ஊதியத்தை கட்டாயப்படுத்துவதற்கும் தொழிலாளர் உரிமைகள் சாசனத்தை திருத்துதல்.

•பசுமை மாற்ற நிதியம் வணிகங்களுக்கும் தொழிலாளர்களுக்கும் பசுமை மற்றும் புதுப்பிக்கத்தக்க பொருளாதாரத்தை நோக்கி முன்னேறுவதற்கு ஆதரவளித்தல், சிங்கப்பூரைக் கரிம வளர்ச்சிக்குப் பிந்தைய பொருளாதாரத்திற்குத் தயார்படுத்துதல்.

•ஓய்வடையும் தொழில்துறைகளில் இருந்து இடம்பெயர்ந்த தொழிலாளர்களுக்கு மறுபயிற்சி, ஊதிய இணைப்பு, மற்றும் உத்தரவாத வேலைவாய்ப்புகளுக்கான வேலைவாய்ப்பு மாற்ற பாதுகாப்பு நிதி. 

மனதோடு கூடிய சுகாதார பராமரிப்பு

தேசிய ஒற்றுமை கட்சிஅணுகக்கூடிய, பொறுப்புள்ள, மற்றும் எதிர்கால தேவைகளை முன்கூட்டியே கணிக்கும் பராமரிப்பை வழங்குகிறது. 

 தேசிய ஒற்றுமை கட்சியின் சுகாதார தூண்கள்:

•கேர்நியர் திட்டத்தின் கீழ் வரம்பு விதிக்கப்பட்ட $10 கட்டணத்தில் அனைவருக்கும் ஆரம்ப சுகாதாரப் பாதுகாப்பு.

•மருத்துவ காப்புறுதி, மருத்துவ சேமிப்பு ,மருத்துவ நிதி  - இடையேயான தேவையற்ற தன்மைகளை நீக்கி, ஒரு ஒருங்கிணைந்த, வெளிப்படையான தேசிய சுகாதார கணக்கு முறையை உருவாக்குதல்.

•ஒவ்வொரு நகரத்திலும் மானியம் அளிக்கப்பட்ட ஆலோசனை, இளைஞர் சிகிச்சை, மற்றும் முதியோர் மன நலன் ஆகியவற்றை வழங்கவும், பள்ளிகள் மற்றும் பணியிடங்களில் மன நல கல்வியை ஒருங்கிணைக்கவும் மன நலத்தை உறுதிப்படுத்தும் மையங்களை நிறுவுவோம்

•அனைத்து பொது மருத்துவமனைகளிலும் வருமானத்திற்கு ஏற்ப கட்டணங்களை நிர்ணயிக்கும் மருத்துவ செலவு பாதுகாப்பை அறிமுகப்படுத்துதல்.

வீடமைப்பு மற்றும் நகர சமூக இணைப்பு

தேசிய ஒற்றுமை கட்சி பொது வீட்டுவசதியை ஒரு நீண்ட கால சமூக ஒப்பந்தமாக மறுவரையறை செய்கிறது - ஊக வணிகத்திற்கான சொத்தாக அல்ல.

தேசிய ஒற்றுமைக் கட்சியின் வீடமைப்பு பார்வை

•முதலில் வீடு மாதிரியை அறிமுகப்படுத்துதல்: குடிமக்கள் தங்கள் முதல் வீட்டிற்கு வாழ்நாள் முழுவதும் கட்டுப்படியாகக்கூடிய விலையில் அணுகுவதையும், வீடமைப்பு கழகத்தின் வீடுகளின் விலையை கட்டுமான செலவும் நிலம் வாங்கும் செலவையும் அடிப்படையாகக் கொண்டு நிர்ணயிப்போம்.

• வீடமைப்பு கழகத்தின் மறுவிற்பனை தர்க்கத்தை சீர்திருத்துதல்: வீடமைப்பு கழகத்திலிருந்து தனியார் இலாபத்தை ஈட்டும் சுழற்சிகளைத் தடுக்க மறுவிற்பனை விலை நிலைப்படுத்திகளை செயல்படுத்துதல்; பல சொத்து வைத்திருப்பவர்களுக்கு படிப்படியான சொத்து வரியை அறிமுகப்படுத்துதல்.

• பல தலைமுறை வாடகை கூட்டுறவு முறைகள்: வயதான மற்றும் தனியாக வசிக்கும் தனிநபர்களின் தனிமைப்படுத்தலை எதிர்த்துப் போராட கூட்டுறவுகளை நிறுவுதல்.

•

• நியாயமான வாடகை அணுகல்: குறைந்த மற்றும் நடுத்தர வருமானம் கொண்ட குடிமக்கள் மற்றும் சுதந்திரமாக வாழும் இளைஞர்களுக்கு மலிவு விலையில் வாடகை வீடுகளை விரிவுபடுத்துதல்.

• குத்தகை சிதைவு பாதுகாப்பை வலுப்படுத்துதல்: கட்டாய இடமாற்றம் இல்லாமல் குத்தகை மாற்றுதல் அல்லது நீட்டிப்பு திட்டங்கள் மூலம் வயதான காலத்தில் மூத்த குடிமக்களுக்கு பாதுகாப்பை உறுதி செய்தல்.

 வீடமைப்புகழகத்தின்நிலவிலைகணக்கீட்டைபார்வையிடுவோம். மற்றும் நில மதிப்பீட்டு வழிமுறைகளில் முழுமையான வெளிப்படைத்தன்மையை நிலைநாட்டுதல்

அழுத்தமின்றி, அதிகாரமளிக்கும் கல்வி
சிறப்பு பிரிவுகளை நீக்குவோம்.

சிங்கப்பூர் குழந்தைகளை குறுகிய வெற்றிப் பாதைகளில் பிரிப்பதை நிறுத்த வேண்டும். NSP மதிப்பெண்களுக்கு அப்பாற்பட்ட மனித ஆற்றலை வளர்க்கும் அமைப்பை உருவாக்கும்.                                                                  

தேசிய ஒற்றுமைக் கட்சி செய்யும் செயல்கள்:

•தரநிலைப்படுத்தப்பட்ட தரவரிசை முறையை ஒழித்து பல பரிமாணக் கற்றல் மாதிரிகளை நடைமுறையில் அமல்படுத்துவோம்

• அனைத்து பள்ளிகளுக்கும் சம நிதி உதவியை வழங்குவோம்.

• நிலைத்தன்மை, குடிமைத் தலைமை, ஊடகம் ஆகியவற்றில் கவனம் செலுத்தும் செயல்முறை கற்றல் பாதைகளை உருவாக்குதல்.

•முன்பள்ளி மற்றும் தொடக்க நிலைகளில் நிதி உதவி மற்றும் ஊட்டச்சத்து ஆதரவை விரிவுபடுத்துதல்.

•குறைந்த வருமானம் கொண்ட குடும்பங்களின் குழந்தைகளுக்கான செறிவூட்டல் நிகழ்ச்சிகளுக்கு நிதி ஆதரவு.

•  பலதுறைத் தொழிற்கல்லூரி & மற்றும் தொழில்நுட்பக் கல்வி நிறுவனம் வழித்தடங்களை விரிவுபடுத்துதல். தொழில்துறை சான்றளிக்கப்பட்ட நுண்-சான்றிதழ் திட்டங்கள் மற்றும் முதலாளிகள் ஆதரவுடன் பயிற்சித் திட்டங்களுக்கு நிதியளித்தல்.

• ஆரம்பகால குழந்தைக் கல்வியை தேசியமயமாக்குதல். முன்பள்ளி மையங்கள் உலகின் சிறந்த நடைமுறைகளுடன் உள்ளதை உறுதிசெய்தல்.

•இந்த முயற்சி ஒவ்வொரு குடும்பமும் தனியார் குழந்தைக் கல்வியின் எதிர்பாராத மற்றும் தொடர்ந்து உயரும் செலவுகளை சமாளிக்க உதவுகிறது.

காலநிலை, நிலைத்தன்மை

மற்றும் தேசிய உறுதி

நமது கிரகத்தை காப்பாற்றாமலும், உள்ளூர் மீள்திறனை

கட்டியெழுப்பாமலும் நம்மால் எதிர்காலத்தை உருவாக்க முடியாது.

• தேசிய ஒற்றுமைக் கட்சி செய்யும் செயல்கள்

  •தேசிய காலநிலை படையை உருவாக்குதல்: சுற்றுச்சூழல் மற்றும் கடலோர பாதுகாப்பு திட்டங்களுக்காக இளைஞர்களை அணிதிரட்டுதல்.

  •கரிம எரிசக்தியை ஈடுசெய்தல் மற்றும் பசுமை எரிசக்தி முதலீடுகளின் மதிப்பீட்டை மேற்கொள்வோம். அவை உண்மையில் "பசுமை கழுவல்" செய்யப்படவில்லை என்பதை உறுதி செய்தல்

  •அனைத்து புதிய வீடமைப்பு கழகத்தின் வீடுகளுக்கும் சூரிய தகடுகளை கட்டாயமாக்குதல்.

  •நகர்ப்புற விவசாயம், பசுமை கூரைகள் மற்றும் நீர் பாதுகாப்பு நடவடிக்கைகளை விரிவுபடுத்துவோம்.

  •தற்போதைய மறுசுழற்சி கொள்கைகளை தணிக்கை செய்து, சிங்கப்பூரின் பசுமை முயற்சிகள் நிலையானதாகவும், அளவிடக்கூடியதாகவும் இருப்பதை உறுதி செய்வதற்காக உண்மையிலேயே திறமையான அமைப்பை உருவாக்குதல்.

  •

  •குடிமக்களின் ஆய்வு மற்றும் ஒருமித்த கருத்து எட்டப்படும் வரை நகர்ப்புற காடுகள் மற்றும் நீர்வழிகளை மேம்பாட்டிலிருந்து பாதுகாக்க இயற்கை நீதி மண்டலங்களை நிறுவுதல். 

அரசியல் புதுப்பித்தல் மற்றும் குடிமை சுதந்திரம்       
திறந்த அரசியல் அமைப்பை பங்கேற்புடன் கூடிய மற்றும் பொறுப்புள்ளதாக மாற்றுவோம் — வெறும் செயல்திறன் கொண்டதாக அல்ல

• குடிமை கல்வி, பத்திரிகை மற்றும் இளைஞர் பங்கேற்பை ஆதரிக்க ஜனநாயக மேம்பாட்டு நிதியை நிறுவுங்கள்.

• பாராளுமன்ற நேரலை ஒளிபரப்பை உறுதிசெய்ய முயலுங்கள்.

• தேவையற்ற செலவுகளை குறைத்து, பொது சேவைகளின் மீட்பை தவிர்க்க மேயர் முறைமையை நீக்குங்கள்.

• மக்கள் சங்கம், ஊழல் தடுப்பு விசாரணை துறை மற்றும் குடியரசுத் துறை போன்ற முக்கிய நிறுவனங்களுக்கு சுதந்திரமான நியமனங்களை கோருங்கள்.

• தகவல் சுதந்திரச் சட்டத்தை நிறுவுங்கள். 20 ஆண்டுகளுக்குப் பிறகு புள்ளிவிவரங்களைப் பெறும் சட்டங்களை உருவாக்கி பொது வெளிப்பாட்டையும் பொறுப்பையும் மேம்படுத்துங்கள். அரசு முடிவுகள், செலவுகள் மற்றும் பொதுத் தரவுகளுக்கான குடிமக்களின் அணுகல் உரிமையை உறுதிசெய்யுங்கள்.

• நிலையான தேர்தல் ஆண்டுகள் மற்றும் தேதிகளை அமைத்து ஒரு நிலையான தேர்தல் முறையை நிறுவுங்கள். இது சிங்கப்பூரில் ஜனநாயக மற்றும் நியாயமான தேர்தல்களை உறுதி செய்யும்.

• குழு பிரதிநிதித்துவத் தொகுதி முறையை நீக்கி தனி உறுப்பினர் தொகுதிகளுக்கே திரும்புங்கள் — இது இயல்பான ஜனநாயக நடைமுறை.

• ஊழல் தடுப்பு மற்றும் ஒழுங்கு மேற்பார்வை அமைப்பை உருவாக்கி, அதை நிர்வாகக் கிளையின் சுயாதீனத்துடன் நடாத்துங்கள்; பொதுமக்கள் குழு பிரதிநிதித்துவத்துடன் இணைத்து இயங்கச் செய்யுங்கள்.

• பாராளுமன்ற சீர்திருத்தம் பாராளுமன்றத்தில் விகிதாசார பிரதிநிதித்துவத்தை நிறுவுங்கள். மொத்த வாக்குப் பங்கில் 10% பெற்ற அரசியல் கட்சிகளுக்குப் பாராளுமன்ற பிரதிநிதித்துவம் வழங்கும்படி அரசியமைப்பை திருத்துங்கள். எதிர்க்கட்சித் தெரிவுசெய்யப்பட்ட உறுப்பினர்களுக்குப் பணிமனைகள் மற்றும் தொகுதி வளங்களை சமமாக அணுகும் உரிமையை அளிக்க வேண்டும்.

• நாங்கள் வெறும் இருக்கைகள் வெல்லுவதற்காக இங்கு இல்லை — சிங்கப்பூரில் அதிகாரம் எவ்வாறு வைத்திருக்கப்படுகிறது மற்றும் பகிரப்படுகிறது என்பதையே மீட்டமைக்கவே இங்கு இருக்கிறோம். 

குடும்ப ஆதரவு மற்றும் பிறப்புச் சுருக்கங்கள்

நம் எதிர்கால சந்ததியினர் சிங்கப்பூரர்களின் உயிர்வாழ்வை உறுதிப்படுத்த முன்பை விட அதிக உதவி தேவை.

• •குடும்ப முதன்மை கொள்கையை: 6 மாதங்களுக்கான பெற்றோர் விடுப்பை (தந்தை மற்றும் தாய் இடையே பகிர்ந்து கொள்ளக்கூடியது), விரிவாக்கப்பட்ட குழந்தை பானஸை, மற்றும் முதலாவது குழந்தையிலிருந்து வேலை சார்ந்த நெகிழ்வான உரிமைகளை நடைமுறைப்படுத்துவோம்.

  •மூவர் திட்டம். மூன்று குழந்தைகள் கொண்ட குடும்பங்களுக்கு கல்வி, மருத்துவம், வீட்டு வசதி மற்றும் குழந்தை பராமரிப்பு ஏற்பாடுகளுக்கான முன்னுரிமை உதவிகளை வழங்குவோம்.

  •வெள்ளி ஒற்றுமை திட்டம்: தனிமைப்படுத்தப்பட்ட மூத்த குடிமக்கள், பராமரிப்பாளர்கள் மற்றும் வயதுவந்தோர் இல்லங்களில் உள்ளவர்களுக்கு ஆதரவை அதிகரித்தல். தலைமுறை இடைவெளியைக் குறைத்து, வெவ்வேறு தலைமுறைகளின் பலத்தை மேம்படுத்த பல தலைமுறை கூட்டுறவு வீடுகளை ஊக்குவித்தல்.

  •பராமரிப்பாளர் ஆதரவு திட்டம்: வேலை செய்யும் பெரியவர்களுக்கான ஐந்து நாள் பராமரிப்பு விடுப்பை செயல்படுத்துதல் மற்றும் மூன்று பெரியவர்களைப் பராமரிப்பவர்களுக்கு கூடுதல் நிதி உதவி வழங்குதல்.

  •வீடமைப்பு கழகத்தின் வீடுகளுக்கான காத்திருப்பு நேரத்தை 2.5 ஆண்டுகள் அல்லது அதற்கும் குறைவாக குறைத்தல்..

  •அடுத்த தலைமுறை ஆதரவு: ஆரம்பக் குழந்தை பருவ கல்வியாளர்களுக்கு ஆதரவை அதிகரித்தல்.

மலிவு வாழ்வு, பாதுகாப்பான வாழ்கை

சிங்கப்பூர் குடும்பங்களுக்கு கண்ணியத்தையும் நிம்மதியையும் மீட்டெடுப்போம்

• •அத்தியாவசியப் பொருட்கள் மீது பூஜ்ஜிய சேவை வரி:  அத்தியாவசியப் பொருட்கள் மற்றும் குழந்தை பொருட்களுக்கு பொருள் சேவை வரி இல்லாமல் விலைக்குறைப்பு வழங்குவோம்

  •வாழ்க்கைச் செலவு கொடுப்பனவு: குறைந்தபட்ச ஊதியம் மற்றும் உதவித் திட்டங்களை வாழ்க்கைச் செலவு குறியீட்டுடன் இணைத்து, உண்மையான வாழ்க்கைச் செலவுகளைப் பிரதிபலித்தல்.

  • நகர நியாயமான விலை குழுக்கள்: உயர் வாடகை குடியிருப்புப் பகுதியில்  அத்தியாவசிய பொருட்கள் மற்றும் சேவைகளின் விலைகளை கண்காணிக்கவும் கட்டுப்படுத்தவும்.

  •பொது போக்குவரத்து தள்ளுபடி: மூத்த குடிமக்கள், மாணவர்கள் மற்றும் குறைந்த வருமானம் உடையவர்களுக்கு தள்ளுபடி கட்டணங்களை விரிவுபடுத்துதல்; ஊனமுற்றோர் மற்றும் 16 வயதுக்குட்பட்ட குழந்தைகளுக்கு இலவச போக்குவரத்து வழங்குதல்.  

சமூக ஒற்றுமை மற்றும் தேசிய அடையாளம்

புதிய குடிமக்கள் மூலம் சிங்கப்பூரின் மக்கள்தொகை அதிகரித்துவரும் நிலையில், நாம் நமது சிங்கப்பூர் அடையாளத்தையும் கலாச்சாரத்தையும் பாதுகாக்க வேண்டும்

• •புதிய குடிமக்களின் ஒவ்வொரு தலைமுறையும் குறைந்தபட்சம் ஆறு மாத தேசிய சேவையில் ஈடுபட வேண்டும்.

  •உள்ளடக்கிய புதிய குடிமக்கள் பாதை: சிங்கப்பூரின் புதிய குடிமக்கள் கொள்கையை மறுவடிவமைத்தல் - முதல் தலைமுறை புதிய குடிமக்களை சமூக ஒருங்கிணைப்பு, கலாச்சார மூழ்குதல், சேவை சார்ந்த குடியுரிமை தொகுதிகள் மூலம் வளர்ப்பது, பொருளாதார பங்களிப்பு மட்டுமல்ல.

  •விளையாட்டின் மூலம் ஒற்றுமை லீக்: கலப்பு பின்னணி மற்றும் வழிகாட்டுதலுடன் கூடிய பள்ளி மற்றும் வயதுவந்தோர் போட்டிகள்.

  •

  •ஆண்டுதோறும் நடைபெறும் ஒற்றுமை கலை விழா: அனைத்து நகரங்களிலும் அண்டை வீட்டு கலைஞர்கள், கதைசொல்லிகள், இசைக்கலைஞர்கள் மற்றும் வாழ்க்கையின் அனைத்துத் தரப்பிலிருந்தும் நடனக் கலைஞர்களை இடம்பெறச் செய்தல்.

  •

  •வாரியத்தின் உணவு விற்பனை நிலையங்கள்: அனைத்து உணவு நிலையங்களும் யுனெஸ்கோ நிர்வாகத்தின் கீழ் பாதுகாக்கப்பட வேண்டும், நமது உணவு கலாச்சாரத்தின் தொடர்ச்சியை உறுதி செய்ய - வெறுமனே உயிர் வாழ்வதற்காக அல்ல, செழித்தோங்கவும்
  
  முடிவு:
  எங்கள் முக்கிய உறுதி: மக்கள் முதன்மை, எப்போதும்.
  ஒவ்வொரு கொள்கையும் ஒரு கேள்விக்கு பதிலளிக்க வேண்டும்: 'இது மக்களுக்கு சேவை செய்கின்றதா?’
  
  நாங்கள் பதவிக்காக அல்ல, நம்பிக்கைக்காக இங்கு இருக்கிறோம்.
  
  ஒளிமயமான, நியாயமான, சுதந்திரமான சிங்கப்பூரை உருவாக்குவோம்.
   ஏனெனில் உங்கள் எதிர்காலம் எங்கள் முன்னுரிமை.